2020-10-05 14:05

Bu gün səhər saatlarından düşmənin silahlı qüvvələri Goranboy, Göygöl, Beyləqan, Bərdə, Tərtər, Zərdab rayonlarının və Gəncə şəhərinin ərazisində əhalinin kompakt olduğu məntəqələri atəşə tutub. Baş Prokurorluğunun Mətbuat xidmətindən bildirilib ki, Bərdə şəhərinin mərkəzi küçələrinə və mərkəzi xəstəxananın yaxınlığına düşən raket mərmisinin qəlpələrindən Şəhriyar Mehdiyeva həlak olub, 3 nəfər isə müxtəlif dərəcəli bədən xəsarətləri alaraq xəstəxanaya yerləşdirilib. O da bildirilib ki, sentyabrın 27-dən indiyə qədər ermənilərin Azərbaycanın mülki əhalisini atəşə tutması nəticəsində həlak olan 24 nəfərin 5-i qadın, 3-ü uşaqdır. Xəsarət alan 121 nəfərin isə 30-u qadın, 7 uşaqdır.

Vüsalə Camal