2020-10-21 10:00

Səhər saatlından başlayaraq düşmən Tərtər şəhəri və rayonun ərazisini artilleriya qurğularından atəşə tutur. Müdafiə Nazirliyindən o da bildirilib ki, oktyabrın 20-i gün ərzində və 21-nə keçən gecə cəbhənin Ağdərə, Füzuli-Cəbrayıl və Qubadlı istiqamətlərində döyüş əməliyyatları müxtəlif intensivliklə davam edib. Düşmən müdafiə mövqelərimizi atıcı silahlar, minaatanlar və toplardan atəşə tutub. Ordumuzun əməliyyatı nəticəsində cəbhənin Cəbrayıl və Qubadlı istiqamətlərində düşmənin 18-ci motoatıcı diviziyasının müdafiə olunan bölmələri şəxsi heyət və hərbi texnikada itki verərək geri çəkilməyə məcbur edilib. 5-ci dağatıcı alayın müdafiə sahəsində düşmən mövqeləri ələ keçirilib, çoxlu sayda silah və sursat qənimət götürülüb. Alayın artilleriya rəisi, artilleriya divizion komandiri və 4-cü taborunun komandiri taborun şəxsi heyəti ilə birlikdə məhv edilib. 6-cı və 7-ci dağatıcı alayların müdafiə sahələrində düşmən bölmələrinin şəxsi heyəti arasında ölən və yaralananlar var. Məhv edilənlər arasında alay komandirinin müavini Vahan Sarkisyan da var. Döyüşlərdə 3 artilleriya qurğusu, bir neçə minaatan, şəxsi heyətlə birlikdə 3 yük avtomobili sıradan çıxarılıb. Qoşunlarımız bütün cəbhə boyu əməliyyat şəraitinə nəzarət edir.

Fərid Mehdiyev