2020-11-08 10:00

Bu gün saat 7:40-dan 8:10-dək Ermənistan silahlı qüvvələrinin bölmələri Tərtər, Ağdam və Ağcabədi rayonlarının kəndlərini atəşə tutub. Ordumuzun bölmələri tərəfindən düşmənin atəş nöqtələrinin susdurulması üzrə cavab tədbirləri görülüb. Müdafiə Nazirliyindən o da bildirilib ki, düşmən Ermənistan-Azərbaycan dövlət sərhədində yerləşən Ordumuzun bölmələrinin mövqelərini minaatan və atıcı silahlardan yenə atəşə tutub. Dünən axşam saatlarından başlayaraq bu gün saat 5-dək Ermənistanın Berd, Çəmbərək və Vardenis rayonları istiqamətindən Tovuz, Gədəbəy və Daşkəsən rayonlarında yerləşən hərbi bölmələrimizin mövqeləri düşmən tərəfindən fasilələrlə atəşə tutulub.

Fərid Mehdiyev