2020-10-22 13:03
Bu gün səhər saatlarından başlayaraq Ermənistan silahlı birləşmələri cəbhə zonasından 150 km-dən artıq uzaqlıqda yerləşən Qəbələ, Kürdəmir və Siyəzən rayonlarına “Skad” ballistik taktiki raketlər atıb. Qəbələ rayon sakini 17 yaşlı Əmirbəyov Murad Ceyhun oğlu müxtəlif dərəcəli bədən xəsarətləri alıb, 5 yaşayış evinə ciddi ziyan dəyib. Həmçinin, düşmənin silahlı qüvvələri Abşeron yarımadasını içməli su ilə təchiz edən Oğuz-Qəbələ-Bakı su kəmərini hədəfə alaraq raket atıb, lakin Ordumuzun hava hücumundan müdafiə qüvvələrinin zərərsizləşdirilməsi nəticəsində raketin hissələri su kəmərinin yaxınlığına düşüb. Baş Prokurorluqdan verilən məlumata görə, hadisə yerlərində zəruri istintaq tədbirləri və prosessual hərəkətlər həyata keçirilir.
Nərgiz Camal