2020-01-25 18:00

Rusiya Dövlət Dumasının hakim “Vahid Rusiya” partiyasından olan üzvü, qatı ermənipərəst mövqeyi ilə tanınan Vitaliy Milonovun erməni KİV-nə müsahibəsi zamanı Azərbaycan dövlətinə və xalqına qarşı qəbuledilməz ifadələr işlətməsini qəti şəkildə pisləyirik. XİN-dən verilən məlumata görə, Azərbaycana girişi qadağan olunan xarici vətəndaşlar siyahısına əlavə edilən, Rusiya Dövlət Dumasının üzvü Vitaliy Milonovun belə bir məsuliyyətsiz və Rusiyanın rəsmi mövqeyinə uyğun gəlməyən davranışı ölkələrimiz arasında münasibətlərə kölgə salmaq cəhdidir. Dövlət Dumasının üzvü statusundan istifadə edərək hər iki ölkə Prezidentlərinin sıx təmasları ilə intensiv şəkildə inkişaf edən münasibətlərə xələl gətirmək cəhdləri qəbuledilməzdir və uğursuzluğa düçardır.

Fərid Mehdiyev