2020-12-10 16:06

Dövlət Miqrasiya Xidməti Azərbaycanda olan və yaşayan əcnəbilərə, vətəndaşlığı olmayan şəxslərə müraciət edib. Nazirlər Kabinetinin qərarı ilə 14 dekabrdan 18 yanvaradək xüsusi karantin rejiminin sərtləşdirilməsi ilə bağlı müəyyənləşdirilən tədbirlərlə bağlı əcnəbilərin miqrasiya xidmətlərindən istifadə etmək üçün evdən çıxmamaları, elektron xidmətlərdən istifadəyə üstünlük vermələri tövsiyə olunur. Qəbul şöbələrinə yaxınlaşmaqla müvafiq sənədləri təqdim etmək istəyən şəxslər yaşadığı ərazilərdə “ASAN xidmət” mərkəzlərinə, olmadığı təqdirdə regional miqrasiya idarələrinə müraciət edə bilərlər. Daha ətraflı məlumat üçün (012) 919 Çağrı Mərkəzinə zəng etmək mümkündür.

Vüsalə Camal