İki il öncənin 19 oktyabr tarixində, Vətən Müharibəsinin 23-ci günündə Prezident İlham Əliyev Cəbrayılın Soltanlı, Əmirvarlı, Maşanlı, Hasanlı, Alıkeyxalı, Qumlaq, Göyərçin Veysəlli, Niyazqullar, Keçəl Məmmədli, Şahvəlli, İsaqlı kəndlərinin işğaldan azad edilməsi ilə bağlı "twitter"də paylaşım edib. Ermənistan silahlı qüvvələrinin Tərtər rayonunu atəşə tutması nəticəsində, ev sahibi ağır xəsarət alıb. Ağdamda ermənilər televiziyanın çəkiliş qrupunu atəşə tutub, jurnalist yaralanıb. Cəbhədə düşmənin döyüş texnikası və silah-sursatı məhv edilib.