Ceyhun Bayramovun Cozef Borel ilə telefon danışığı olub
Xarici işlər naziri Ceyhun Bayramovun Avropa İttifaqının xarici və təhlükəsizlik məsələləri üzrə ali nümayəndəsi Cozef Borel ilə telefon danışığı baş tutub. Borel Avropa İttifaqının missiyası üzrə hazırlıq işləri barədə məlumat verib. Nazir Ceyhun Bayramov öz növbəsində 6 oktyabr tarixindəki Praqa görüşünün bölgədə sülhə töhfə verilməsi baxımından gözləntilərini diqqətə çatdırıb. Bununla yanaşı, Cenevrə görüşü zamanı sülh müqaviləsinin elementlərinin Ermənistan tərəfinə təqdim olunduğu, bu və delimitasiya üzrə işlərin tezliklə başlanmasının vacib olduğunu vurğulayıb.