Xarici işlər naziri Ceyhun Bayramov ilə Türkiyə xarici işlər naziri Mevlüt Çavuşoğlu arasında telefon danışığı zamanı bölgədə son vəziyyət üzrə fikir mübadiləsi aparılıb. Türk Dövlətləri Təşkilatının Zirvə görüşünə hazırlıq məqsədilə İstanbulda keçirilməsi nəzərdə tutulan nazirlərin görüşü ilə bağlı məsələlər müzakirə edilib. Ceyhun Bayramov və Rusiya xarici işlər naziri Sergey Lavrov arasında telefon danışığında üçtərəfli bəyanatların icrası ilə bağlı məsələlərə toxunulub, iki dövlət arasında qarşılıqlı maraq doğuran mövzular ətrafında fikir mübadiləsi aparılıb.