Xarici işlər naziri Ceyhun Bayramov Ankarada Türk Dövlətləri Təşkilatının Xarici İşlər Nazirləri Şurasının iclasında iştirak edib. Nazir çıxışında Azərbaycanın TDT-yə sədrliyinin əsas prioritetləri sırasında iqtisadi və nəqliyyat əlaqələrinin genişləndirilməsi, təhlükəsizlik sahəsində əməkdaşlığın gücləndirilməsi və ortaq mədəni irsin qorunmasını qeyd edib. O, həmçinin müdafiə sənayesi və texnologiyalar sahəsində əməkdaşlığın inkişaf etdirilməsinin vacibliyini vurğulayıb. Ceyhun Bayramov TDT-yə BMT Baş Assambleyasında müşahidəçi statusunun verilməsi üçün birgə diplomatik səylərin artırılmasına çağırıb. Azərbaycanın təşkilat çərçivəsində əməkdaşlığın gücləndirilməsinə dəstəyini davam etdirəcəyi bildirilib.

29 oktyabr 2026