2021-03-05 14:11
Özbəkistanın paytaxtı Daşkənddə davam edən cüdo üzrə Böyük Dəbilqə turnirində 6 idmançımız tatami üzərinə çıxıb. Kişilərin 60 kq çəki dərəcəsində Oruc Vəlizadə Almaniyalı rəqibini məğlub edərək 1/4 finala yüksəlib. 66 kq-da Nicat Şəxəlizadə də ilk cəhdində rəqibinin belini yerə vurub. 1/8-də onun rəqibi Koreyalı idmançı olacaq. Orxan Səfərov isə ilk görüşdə Finlandiyalı kəmər sahibinə uduzub. Daha əvvəl keçirdiyi iki görüşdəndə qalib ayrılan Kəramət Hüseynov türkiyəli rəqibinidə mübarizədən kənarlaşdıraraq yarım finalın bir addımlığına gəlib. Qadınlardan 48 kq-da Leyla Əliyeva ilk görüşündə Özbəkistanlı rəqibi üzərində qələbə qazansada növbəti mərhələdə serbiyalı idmançıyla bacarmıyıb. Bu çəkidəki digər təmsilçimiz Ayişə Qurbanlı isə ilk cəhdindəcə Özbəkistanlı cüdoçuya uduzub.
Fərid Mehdiyev