Türkiyədə zəlzələnin fəsadlarının aradan qaldırılmasına dəstək məqsədilə Fövqəladə Hallar Nazirliyinin sayca üçüncü humanitar yardım karvanı qardaş ölkəyə yola salınıb. Yardıma 1015 çadır və 240 soba, mobil səhra hospitalı və 18 nəfərdən ibarət tibb personalı daxildir. Balakən, Beyləqan və Zərdab rayonları icra hakimiyyətləri tərəfindən Türkiyəyə göndərilən humanitar yardımlar Gəncədə təyin olunmuş məntəqəyə təhvil verilib. Yardımlara generator, çarpayı, elektrik qızdırıcısı, fənər, yorğan-döşək, xalça, isti geyimlər və konservləşdirilmiş qida məhsulları daxildir.
Nərgiz Camalzadə