Dünyanın müxtəlif ölkələrində yaşayan soydaşlarımız Şuşa-Xankəndi yolunda etiraz aksiyası keçirən azərbaycanlı ekofəallarla həmrəylik nümayiş etdirirlər. Macarıstanın paytaxtı Budapeştdə, Çexiyanın paytaxtı Praqada, Türkiyənin Manisa şəhərində və Moldovanın paytaxtı Kişinyovda yaşayan azərbaycanlılar ölkəmizin ərazisində erməni eko-terroruna etiraz əlaməti olaraq dinc etiraz aksiyası keçiriblər. Azərbaycanın bayraqlarını dalğalandıran aksiya iştirakçıları “Azərbaycanın təbii sərvətlərinin qanunsuz istismarına son!”, "Ekoloji cinayətə son!" şüarlarının əks olunduğu plakatları nümayiş etdiriblər.