Prezident İlham Əliyevin 2 dekabr 2020-ci il Sərəncamına əsasən Vətən müharibəsində qəhrəmancasına döyüşmüş, ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq hər il sentyabrın 27-si Azərbaycanda Anım Günü kimi qeyd edilir. Anım Günündə şəhidlərimiz Azərbaycanda fəaliyyət göstərən məscidlər, kilsələr, sinaqoqlarda dərin ehtiramla yad olunacaq, mərkəzi və yerli icra hakimiyyəti strukturları tədbirlər təşkil edəcək, ölkəmizin xaricində də anım mərasimləri olacaq. Saat 12-də ölkə ərazisində şəhidlərin əziz xatirəsi bir dəqiqəlik sükutla yad ediləcək.