Bu gün "Shusha Chess 2022" turnirinin qalibləri müəyyənləşəcək
Bu gün Şuşada ilk beynəlxalq şahmat turnirinə yekun vurulacaq. Son gündə şahmatçılar blitsdə 9 tur yarışacaq. Hər tur iki oyundan ibarət olacaq. İştirakçılara qələbəyə görə 1, heç-heçəyə görə yarım xal veriləcək. Rapid yarışlarından sonra kişilərin mübarizəsində Şəhriyar Məmmədyarov 15 xalla liderliyə yüksəlib. Qadınların yarışında gürcüstanlı Nana Dzaqnidze 15 xalla birinci pillədədir. “Shusha Chess 2022” beynəlxalq şahmat turnirinin hər kateqoriya üzrə qalibi rapid və blits turnirlərində toplanan xalların ümumi sayına görə müəyyənləşəcək.