Bu gün Füzuli şəhərinə daha 34 ailə yola salınıb. Bakıdan məcburi köçkünlər üçün salınmış yaşayış kompleksindən 123 nəfərdən ibarət növbəti köç karvanı yola düşüb. Bununla da Füzuli şəhərində ümumilikdə 596 ailənin - 2 245 nəfərin daimi məskunlaşması təmin ediləcək. Füzuliyə sonuncu köç karvanı martın 15-də baş tutub. Həmin mərhələdə şəhərə daha 35 ailə - 153 nəfər köçürülüb və onlara mənzillərin açarları təqdim olunub. Ailələr Füzuli şəhərində yenidən tikilən evlərdə məskunlaşıblar.

Fərid Mehdiyev