Bu gündən etibarən vətəndaşlarımız Türkiyəyə vizadan azad şəkildə səyahət edə biləcəklər
2021-04-01 10:05
Azərbaycan ilə Türkiyə arasında qarşılıqlı olaraq vizadan azad etmə haqqında imzalanmış Sazişə dəyişikliklər edilməsi haqqında iki ölkə arasında 1 saylı Protokol artıq qüvvədədir. Bu gündən Azərbaycan vətəndaşları diplomatik, xidməti və ümumvətəndaş pasportları, eləcə də Azərbaycan Respublikası vətəndaşının biometrik şəxsiyyət vəsiqəsi ilə Türkiyəyə vizadan azad şəkildə səyahət edə biləcəklər. Eyni zamanda Türkiyə vətəndaşları da yeni nəsil şəxsiyyət vəsiqəsi ilə Azərbaycana 90 gün müddətinə vizasız səyahət hüququ əldə edəcəklər.
Vüsalə Camal