2021-05-26 12:07

Ali təhsil müəssisələrinə 1-ci - 4-cü ixtisas qrupları üzrə qəbul imtahanının ikinci mərhələsinin iki dəfə keçirilməsi nəzərdə tutulur. Dövlət İmtahan Mərkəzinin Direktorlar Şurasının sədri Məleykə Abbaszadə bu gün keçirdiyi brifinqdə deyib ki, koronavirus pandemiyası ilə əlaqədar yarana biləcək sanitar-epidemioloji vəziyyətdən asılı olaraq bu reallaşa bilər. Məleykə Abbaszadə magistraturaya qəbul imtahanlarının ikinci cəhdinin nəticələrinin 2 günə açıqlanacağını da deyib. Həmçinin bu gündən ali və orta ixtisas təhsili müəssiələrinə sənəd qəbulu başlayıb və iyunun 8-dək aparılacaq. Bundan başqa 2021/2022-ci tədris ili üçün rezidenturaya qəbul elan edilib. Ərizə qəbulu internet vasitəsi ilə aparılır və iyunun 4-dək davam edəcək.

Vüsalə Camal