2021-12-18 10:12

Bu gün Bakıda Azərbaycanın görkəmli şahmatçısı, Avropa çempionu Vüqar Həşimovun xatirəsinə həsr olunmuş 7-ci beynəlxalq superturnir start götürəcək. Dekabrın 23-dək davam edəcək turnirdə 8 şahmatçı – Şəhriyar Məmmədyarov, Rauf Məmmədov, Vüqar Əsədli ,Fabiano Karuana , Sergey Karyakin , Riçard Rapport , Vişvanatan Anand və David Navara mübarizə aparacaq. Turnirin reytinq favoriti Karuana və sabiq dünya çempionu Ananddır. ABŞ şahmatçısı 2 770 reytinq əmsalı ilə rapid, hindistanlı qrossmeyster isə 2 825 reytinq əmsalı ilə blits turnirinin reytinq favoritidir. Şahmatçılar turnirdə rapid və blits üzrə yarışacaqlar. Qalib hər iki turnirin yekun nəticəsinin cəminə əsasən məlum olacaq.

Fərid Mehdiyev