2020-06-26 10:00

Prezident İlham Əliyevin rəsmi "Facebook" səhifəsində 26 İyun - Silahlı Qüvvələr Günü ilə bağlı paylaşım edilib. “Ordumuzun gücü Azərbaycan xalqının ona olan inamında və dəstəyindədir. Hər bir Azərbaycan əsgəri xalqımızın qürur mənbəyidir”-deyə paylaşımda vurğulanıb. Azərbaycan Xalq Cümhuriyyəti hökumətinin qərarı ilə 1918-ci il iyunun 26-da ilk hərbi hissə - əlahiddə korpus yaradıldı. Az bir vaxt ərzində milli ordu quruculuğumuzda əsaslı nəticələr əldə olundu. Azərbaycan Prezidentinin 22 may 1998-ci il tarixli qərarına əsasən isə 26 iyun Silahlı Qüvvələr Günü elan edildi.

Fərid Mehdiyev