Futbol üzrə DÇ-2026 bu gün start götürür.Açılış oyunu Meksikada baş tutacaq. Ev sahibi Meksika milli komandası Cənubi Afrika Respublikası ilə üz-üzə gələcək. Matç Bakı vaxtı ilə saat 23:00-da keçiriləcək. Bu ilki çempionat bir sıra yeniliklərlə tarixə düşəcək. İlk dəfə üç ölkə - ABŞ, Kanada və Meksikanın birgə ev sahibliyi etdiyi mundialda 48 milli komanda mübarizə aparacaq. Turnir çərçivəsində rekord sayda-104 oyun keçiriləcək. Kabo-Verde, Kurasao, İordaniya və Özbəkistan yığmaları isə dünya çempionatında ilk dəfə iştirak edəcəklər.DÇ-2026 iştirakçı sayı, oyunların miqyası və təşkilatçılığı baxımından futbol tarixinin ən böyük mundialı hesab olunur.

11 iyun 2026