Bu gün DÇ-2022-nin Avropa zonası üzrə seçmə mərhələsinin 2-ci turuna start veriləcək
2021-03-27 14:00
Bu gün DÇ-2022-nin Avropa zonası üzrə seçmə mərhələsinin 2-ci turuna start veriləcək. İlk oyun günündə 10 qarşılaşma keçiriləcək. Millimizin yer aldığı A qrupunda bu gün iki matç oynanılacaq. Portuqaliya yığması səfərdə Serbiyanın qonağı olacaq. İrlandiya millisi isə Lüksemburqla qarşılaşacaq. G qrupunda yer alan Türkiyə yığmasının bu turdakı rəqibi Norveç olacaq. Görüş koronavirus pandemiyası səbəbindən Norveçdə deyil, İspaniyada keçiriləcək. Qrupun digər matçında Niderland Latviyanı sınağa çəkəcək. Bundan əlavə, Rusiya – Sloveniya, Monteneqro – Cəbəllütariq, Xorvatiya – Kipr, Belarus – Estoniya, Çexiya – Belçika və Slovakiya – Malta yığmaları münasibətlərinə aydınlıq gətirəcəklər.
Fərid Mehdiyev