Dövlət İmtahan Mərkəzi imtahan qaydalarına ciddi əməl olunmasına çağırış edib.Mərkəzin məlumatına görə, bu gün V ixtisas qrupu üzrə idman istiqaməti üzrə qabiliyyət imtahanında bir nəfər başqasının yerinə imtahana daxil olmağa cəhd göstərib. Yoxlama zamanı həmin şəxsin əsl kimliyi müəyyən edilib və o, imtahana buraxılmayıb.DİM bildirib ki, bu halda imtahan verməli olan abituriyentin bütün nəticələri ləğv edilir və o, müsabiqədən kənarlaşdırılır. Başqasının yerinə imtahana girməyə cəhd edən şəxs isə hüquqi məsuliyyət daşıyır.Mərkəz vətəndaşları imtahan qaydalarına və qanunvericiliyin tələblərinə ciddi riayət etməyə çağırıb.

02 iyul 2026