2020-12-03 10:10

Bu gün Avropa Liqasında V turun oyunları keçiriləcək. Qitənin ikinci dərəcəli klub turnirinin 12 qrupunda 24 matç baş tutacaq. Artıq 1/16 final şansını itirən Azərbaycan çempionu “Qarabağ” son ev qarşılaşmasına çıxacaq. Ağdam təmsilçisi İstanbulda Tel-Əviv “Makkabi”si ilə üz-üzə gələcək. “Sivasspor” isə “Vilyarreal”la görüşəcək. V tur qrupdakı hər iki vəsiqəsinin taleyinə aydınlıq gətirə bilər. Ümumiyyətlə, qarşılaşmalar 35 komanda üçün həlledici xarakter daşıyır. Artıq 1/16 finalın 4 iştirakçısı bəllidir. Bunlar “Roma”, “Arsenal”, “Lester” və “Hoffenhaym”dır. 7 komanda – MOİK, “Dandolk”, “Riyeka”, “Seltik”, “Qarabağ”, “Lüdoqorets” və “Gent” isə qrupda qalıb.

Vəfa Şairova