2021-03-16 14:09

Bu gün Çempionlar Liqasının 1/8 final mərhələsində daha iki cavab oyunu keçiriləcək. 1/4 final uğrunda Real Madrid İspaniyada Atalantanı qəbul edəcək. Madridlilər cütün ilk qarşılaşmasında, rəqib meydanında 1:0 hesab ilə qələbə qazanmışdılar. Günün digər qarşılaşmasında Manchester City - Borussia Mönhenqladbaxla üz-üzə gələcək. Pandemiya səbəbindən İngilislər rəqibini Macarıstanda qəbul edəcək. Qarşılaşma Budapeştdəki Puşkaş Arena-da baş tutacaq. Komandalar arasındaki ilk görüşdə eyni səbəblə bu stadionda baş tutmuşdu. O oyunda rəqibini 2:0 məğlub edən “şəhərlilər” növbəti mərhələyə adlamaq üçün böyük üstünlük əldə etmişdilər. Hər iki oyunun start fiti gecə saat 12-də səslənəcək.

Vəfa Şairova