Böyük Britaniyanın xarici işlər nazirinin müavini lord Tariq Əhməd və Lordlar Palatasının bir sıra üzvləri Azərbaycanın ədalətli mövqeyinə dəstək ifadə ediblər. Britaniya-Ermənistan parlamentlərarası fostluq qrupunun həmsədri baronessa Kerolayn Koksun Azərbaycan əleyhinə bəyanatlarına cavab olaraq lord Devid Evans diqqəti Azərbaycan ərazilərinin minalanması probleminə yönəldib və minaların təmizlənməsi prosesində Azərbaycana göstərdiyi maliyyə yardımına görə Britaniya hökumətinə təşəkkür edib. Baronessa Pola Uddin Ermənistan tərəfinin fəaliyyətsizliyi ilə əlaqədar itkin düşən 3 890 azərbaycanlının taleyinin naməlum olduğunu qeyd edib.