Bosniya və Herseqovinanın məşhur telekanalı Qarabağ müharibəsi ilə bağlı reportaj yayımlayıb
2021-03-18 10:00
Bosniya və Herseqovinanın məşhur “Okanal” telekanalı Qarabağ müharibəsi ilə bağlı reportaj yayımlayıb. Telekanalın komandası Qafqazın Xirosiması adlanan Ağdam şəhərini ziyarət edib. Reportajda qeyd edilir ki, Bakıdan 350 kilometr məsafədə yerləşən şəhərdə demək olar ki, yalnız xarabalıqlar və evlərin çılpaq divarları qalıb. Jurnalistlər, həmçinin ziyarət etdikləri Zəngilan və Cəbrayıldan bəhs ediblər. Vurğulanıb ki, bir vaxtlar həyatla dolu və böyük turizm perspektivləri olan bu yerlər indi xarabalığa çevrilib. Reportajda Xocalı soyqırımı, erməni işğalının ağır nəticələri, son müharibə zamanı ermənilərin dinc Azərbaycan şəhərlərini, o cümlədən Gəncəni raket atəşinə məruz qoymasından da danışılıb.
Fərid Mehdiyev