Bolqarıstanın paytaxtı Sofiyada bədii gimnastika üzrə Dünya Kuboku keçirilib
2021-03-29 10:01
Bolqarıstanın paytaxtı Sofiyada bədii gimnastika üzrə Dünya Kuboku keçirilib. Yarışda Azərbaycan gimnastları da iştirak edib. Azərbaycan komandası qrup hərəkətlərində çoxnövçülükdə ikinci yeri tutub. Çoxnövçülükdə birinci yerdə Bolqarıstan, üçüncü yerdə Yaponiya komandası qərarlaşıb. Gimnastlarımız qrup hərəkətlərində Dünya Kubokunda daha bir medal dəsti qazanıblar. Yığma üzvləri bu dəfə üç halqa və iki dəst gürzlə hərəkətlərdə bürünc mükafata yiyələniblər. Medallara layiq görülən komandamızın heyəti Ləman Əlimuradova, Zeynəb Hümmətova, Yelizaveta Luzan, Məryəm Səfərova və Darya Sorokinadan ibarət olub.
Fərid Mehdiyev