2021-06-22 10:10

Futbol üzrə Avropa çempionatının daha iki qrupunda mübarizəyə yekun vurulub. C qrupunda Niderland millisi Şimali Makedoniyaya heç bir şans verməyib 3:0. Qrupun digər matçında Ukrayna seçməsini minimal hesabla üstələyən və 2-ciliyi rəsmiləşdirən Avstriya yığması 1/8 finalda A qrupunu ilk pillədə tamamlayan İtaliyaya rəqib olub. B qrupunun qarşılaşmasında Danimarka son şansını yaxşı dəyərləndirərək Rusiya millisini 4:1 məğlub edib. Onlar növbəti mərhələdə Uelslə üz-üzə gələcəklər. Bu oyunla eyni vaxtda start götürən Belçika - Finlandiya duelində isə birincilər inamlı qələbəyə seviniblər 2:0. Qeydə alınan nəticələrdən sonra C qrupundan Niderland və Avstriya, B qrupundan isə Belçika və Danimarka növbəti mərhələyə adlayıb. Ukrayna və Finlandiya yığmalarının isə ən yaxşı 3-cü kimi qrupdan çıxma şansları davam edir. Onlar digər qruplarda qeydə alınan nəticələri gözləməlidirlər.

Fərid Mehdiyev