Azərbaycan beynəlxalq müqavilələr üzrə işgəncələrə qarşı mübarizə öhdəliklərinə sadiqdir. Bunu Azərbaycanın BMT yanında Daimi Nümayəndəliyinin birinci katibi Şəhriyar Hacıyev BMT Baş Assambleyasının 81-ci sessiyasının üçüncü komitəsində keçirilən interaktiv dialoq zamanı deyib.
O bildirib ki, Azərbaycanda hüquq-mühafizə orqanları üçün insan hüquqları üzrə təlimlər mütəmadi keçirilir. Həmçinin keçmiş münaqişə zamanı, xüsusilə mülki şəxslərə qarşı işgəncə və qeyri-insani rəftarla bağlı cinayətlərin araşdırılması və təqibi istiqamətində addımlar atılıb.Diplomat vurğulayıb ki, cəzasızlıqla mübarizə əsl barışığın təmin olunması və bu cür cinayətlərin təkrarlanmasının qarşısının alınması baxımından mühüm əhəmiyyət daşıyır.

16 oktyabr 2026