2020-11-06 10:05

BMT Baş Assampleyası plenar iclasında “Koronavirus xəstəliyi pandemiyasına cavab olaraq Baş Assambleyanın Xüsusi sessiyası” ilə bağlı qətnaməni qəbul edib. Qətnaməyə əsasən, Azərbaycan Prezidenti tərəfindən Qoşulmama Hərəkatına üzv ölkələr adından irəli sürülən təşəbbüs əsasında BMT Baş Assambleyasının COVID-19-a qarşı mübarizəyə həsr olunan xüsusi sessiyası 3-4 dekabrda keçiriləcək. Xarici İşlər Nazirliyinin açıqlamasında bildirilib ki, tədbirin açılış hissəsində Qoşulmama Hərəkatının adından onun sədri qismində Prezident İlham Əliyevin də çıxışı nəzərdə tutulur. Xüsusi sessiyanın çağırılması təşəbbüsünə qarşı çıxış edən Ermənistan maneələr yaratmağa çalışıb. Yenə də Ermənistan beynəlxalq ictimaiyyətin qəti mövqeyi ilə üzləşib və onun bu cəhdi rədd edilib.

Nərgiz Camal