Birləşmiş Krallığın Dövlət naziri azərbaycanlı qadınları təbrik edib
2021-03-08 14:00
Birləşmiş Krallığın Avropa qonşuluğu üzrə Dövlət naziri Vendi Morton azərbaycanlı xanımları Beynəlxalq Qadınlar Günü münasibətilə təbrik edib. "Keçən ay Azərbaycana səfər etdiyim zaman həqiqətən də ilhamverici qadın və qızlarla tanış olmaq şərəfinə sahib oldum. Onların arasında ailələrinə və yerli icmalarına rifah gətirən qadın sahibkarlar, ingilis dilini öyrənən məcburi köçkün ailələrdən olan qızlarla tanış oldum. Qadınlar və qızların öz potensiallarını reallaşdırmağa və yaşadıqları icmalarda verilən qərarlara təsir etmək azadlığına sahib olması bütün cəmiyyətə əhəmiyyətli üstünlüklər bəxş edir", - deyə dövlət naziri videomüraciətində qeyd edib.
Vəfa Şairova