Bakının Nəsimi rayonunda yerləşən çoxmərtəbəli yaşayış binasında partlayış olub. Belə ki, beşmərtəbəli yaşayış binasının 1-ci mərtəbəsində ikiotaqlı mənzildə, ilkin ehtimala görə, məişət qazının sızması nəticəsində yanğınla nəticələnən partlayış baş verib. Alov söndürülüb. FHN-dən verilən məlumata görə, mənzildə kirayəçi kimi yaşayan bir nəfər yanıq xəsarətləri alıb. Binanın yaxınlığında dayanan iki minik avtomobilinə ziyan dəyib.
Nərgiz Camalzadə