Binəqədidə narkotik və silah alverçiləri saxlanılıblar
2021-01-14 18:07
Polis paytaxtın Binəqədi rayonunda əvvəllər məhkum olunmuş Əli Əhmədovun üzərində və yaşadığı evdə 4 kiloqramdan artıq heroin, 300 qram metamfetamin, 89 ədəd metadon həbi aşkarlayıb. Əhmədov narkotiki satmaq məqsədi ilə əldə etdiyini bildirib. Əvvəllər məhkum olunmuş İntiqam Həsənovdan isə 1 ədəd “CZ-27” markalı tapança, 1 ədəd patron və patron darağı aşkar edilərək götürülüb. Həsənov silahı 2000 manata satmaq istəyən zaman tutulub. Faktlarla bağlı cinayət işləri başlanılıb.
Nərgiz camal