Daxili İşlər Nazirliyinin Baş Dövlət Yol Polisi İdarəsi sürücülərə müraciət edərək, hərəkət zolaqlarının düzgün seçilməsinə və yol nişanlarının tələblərinə ciddi riayət etməyə çağırıb. Qurum xəbərdarlıq edir ki, zolaqların tez-tez dəyişdirilməsi və məsuliyyətsiz hərəkətlər yollarda sıxlığa və qəzalara səbəb olur. Müraciətdə vurğulanıb ki, hər bir sürücü öz zolağında nizamlı hərəkət etsə, nəqliyyatın axını sabitləşər, qəzaların sayı isə minimuma enər.