Bayram günləri ilə əlaqədar DİN vətəndaşlara müraciət edib
2020-12-29 12:09
DİN Yeni il bayramı üçün rayonlara getmək istəyənlərə xəbərdarlıq edib: "Koronavirus infeksiyasının yayılmasının qarşısının alınması məqsədilə ölkənin bəzi şəhər və rayonlarında tətbiq edilmiş sərtləşdirilmiş xüsusi karantin rejimi ilə əlaqədar həmin inzibati ərazilərə giriş-çıxış yalnız müvafiq ezamiyyə vərəqələri və ya “icaze.e-gov.az” portalına daxil edilən məlumatlar əsasında həyata keçirilir" - deyə məlumatda qeyd olunur. Həftənin şənbə və bazar, habelə bayram günləri xüsusi karantin rejimi tətbiq edilmiş inzibati ərazilərə xüsusi icazəsi olmadan giriş və ya çıxış etməyə cəhd edənlər karantin postlarından buraxılmayacaqlar və onlar qanunvericiliyə uyğun olaraq, məsuliyyətə cəlb olunacaqlar.
Fərid Mehdiyev