2020-11-06 18:08

Demokratlar partiyasından prezidentliyə namizəd Cozef Bayden Corciya ştatında bülletenlərin 99 faizinin hesablanmasından sonra liderliyi ələ alıb. Baydenə 2 milyon 449 min 371, rəqibi və hazırkı Prezident Donald Trampa isə 2 milyon 448 min 454 insan səs verib. Bununla da demokrat namizəd 917 səslə irəliyə keçib. Dünən Tramp rəqibindən təxminən 5 min səs üstünlüyünə sahib idi, lakin sonra tədricən bu rəqəm azalmağa başladı. Yenilənən məlumatların dərcindən əvvəl təxminən 600 səs var idi. Proqnozlara görə, Corciyada qələbə qazanacağı təqdirdə, Bayden ABŞ prezidenti seçilmək üçün lazım olan 270 seçici səsini qazanacaq. İndiyə qədər olan hesablamalara əsasən Bayden Trampın 214 səsinə qarşı ümumilikdə 264 səs toplayıb.

Vüsalə Camal