Bakıda 2 kiloqramdan çox narkotik vasitə və 2 ədəd avtomat aşkarlanıb. Saxlanılan Sumqayıt şəhər sakini 1983-cü il təvəllüdlü Seymur Səfərovdan 1 kiloqram 150 qram psixotrop maddə metamfetamin və 995 qram tiryək aşkar olunaraq götürülüb. O, narkotik vasitələri sosial şəbəkələrdə tanış olduğu İran vətəndaşından müxtəlif ünvanlara çatdırmaq məqsədi ilə əldə etdiyini bildirib.
Həmçinin, Yeni Günəşli qəsəbəsində 2 ədəd “Kalaşnikov” markalı avtomat və 30 ədəd patron vətəndaşlar tərəfindən könüllü olaraq Polisə təhvil verilib.

Fərid Mehdiyev