Bakının Nəsimi rayonunda ağır yol qəzası qeydə alınıb. Tovuz rayon sakini Abdullayev Racu Malik oğlu idarə etdiyi “KIA” markalı avtomobillə kəsişmədə olarkən “Ford” markalı yük avtomobili ilə toqquşub. Zərbənin gücündən yük avtomobili Azadlıq prospektində yerləşən işıqfora və binaya çırpılıb. Avtomobilin yük yeri yol kənarında dayanan “Land Rover” markalı maşına dəyib. Qəza nəticəsində “KIA” və “Ford”un sürücüsü xəsarətlərlə xəstəxanaya yerləşdiriliblər.