Noyabrın 11 saat 19-dan noyabrın 14-ü gecə saat 12-dək Bakı-Gəncə-Bakı sürətli sərnişin qatarına onlayn bilet satışı texniki səbəblərdən dayandırılacaq. Qeyd olunan tarixlər üçün öncədən alınan onlayn biletlər qüvvədə qalacaq və biletlərin satışı yalnız dəmir yolu kassalarında həyata keçiriləcək. Onlayn alınan biletlərin həmin tarixlərdə geri qaytarılması yalnız kassalarda mümkün olacaq. Onlayn bilet satışının dayandırılması “Azərbaycan Dəmir Yolları” QSC-nin informasiya sistemləri və resurslarının “Hökumət buludu”na miqrasiyası ilə bağlıdır.