Bakının Nəsimi rayonunda polis dələduzluq etməkdə şübhəli bilinən əvvəllər məhkum olunmuş D.Məhərrəmovanı saxlayıb. Onun bir nəfəri əlillik dərəcəsi almaqda kömək edəcəyi adı altında aldadaraq 3500 manatını dələduzluq yolu ilə ələ keçirdiyi məlum olub.
Sosial şəbəkələrdə endirimli onlayn xarici dil kursu təşkil edəcəyinə dair elan yerləşdirərək dələduzluq edən 27 yaşlı Azər İsmayılov polis tərəfindən saxlanılıb. O, təsisçisi olduğu kursun sosial şəbəkə hesabında real dəyərindən qat-qat aşağı qiymətə kurslar təşkil etdiyi ilə bağlı elan paylaşıb. Daha sonra zərərçəkənlər 50-600 manat aralığında pul vəsaitlərini şəxsin kartına köçürüblər. O, pulları ələ keçirəndən sonra zərərçəkənlərlə əlaqəni kəsib.
Faktlarla bağlı araşdırmalar aparılır.