Bakının Binəqədi rayonu, Ziya Bünyadov prospektində inşaat materialları bazarı yanır. Əraziyə FHN-nin kifayət qədər texnika və canlı qüvvə cəlb olunub. Hazırda yanğınsöndürmə işləri həyata keçirilir. Havanın küləkli olması yanğının söndürülməsi işlərini mürəkkəbləşdirsə də alovla mübarizə tədbirləri davam etdirilir. TƏBİB-dən bildirilib ki, hadisə yerinə 2 təcili tibbi yardım briqadası cəlb olunub. 1 şəxsin həkiməqədər ölümü qeydə alınıb. Yanğınla bağlı əraziyə polis əməkdaşları cəlb olunub. Ərazi mühafizəyə götürülüb. FHN-nin məlumatına görə, yanğının yayılmasının qarşısı alınıb.

Nərgiz Camalzadə