2020-11-30 10:03

Bakının Xətai rayonunda 21 yaşlı Məmmədov Tuncay Aslan oğlu idarəetməsində olan “BMW” ilə yüksək sürətlə hərəkətdə olan zaman sükana nəzarəti itirib. Yağışlı hava şəraiti zamanı yolun sürüşkən olması səbəbində avtomobil marketin ikinci mərtəbəsinin üst divarına çırpılıb. Nəticədə avtomobildə olan 2 sərnişin hadisə yerində ölüb. Sürücü Məmmədov və digər sərnişin 21 yaşlı İlkin Ağamirzəyev 3 nömrəli şəhər xəstəxanasına çatdırılıb. Lakin həkimlərin səyinə baxmayaraq, Tuncay Məmmədovun həyatını xilas etmək mümkün olmayıb. Ağamirzəyevin vəziyyəti isə ağırdır. Yaralanan və ölən 3 nəfər FHN-in Modul Tipli Tibb Mərkəzində tibb işçiləri kimi fəaliyyət göstəriblər. Onlar, həmçinin, Tibb universitetinin tələbələridir.

Vüsalə Camal