Ailə, Qadın və Uşaq Problemləri üzrə Dövlət Komitəsinin sədri Bahar Muradova bildirib ki, texnologiyaların sürətli inkişafı yeni imkanlarla yanaşı, uşaqlar üçün yeni risklər də yaradır. “Uşaqların rəqəmsal mühitdə zərərli məzmun və təsirlərdən qorunması ilə bağlı tədbirlər” mövzusunda ictimai dinləmədə çıxış edən komitə sədri vurğulayıb ki, bu məsələ bütövlükdə cəmiyyətin və insan kapitalının inkişafı baxımından xüsusi əhəmiyyət daşıyır.Onun sözlərinə görə, qanunvericiliyə təklif olunan dəyişikliklər sosial şəbəkələrdə yaş məhdudiyyətinin tətbiqini, valideyn nəzarətinin gücləndirilməsini və şəxsi məlumatların qorunmasını nəzərdə tutur. Bahar Muradova qeyd edib ki, məqsəd özünüifadə azadlığını məhdudlaşdırmaq deyil, rəqəmsal mühitin daha təhlükəsiz və məsuliyyətli şəkildə tənzimlənməsini təmin etməkdir.

18 iyun 2026