2020-11-12 18:09

Bəzi internet resurslarında terrorçuluğa açıq çağırışların edilməsi ilə bağlı ayrı-ayrı faktlar təhlil edilib. Baş Prokurorluqdan verilən məlumata görə, araşdırmalarla Ermənistanın bəzi ictimai fəallarının özlərinə məxsus sosial şəbəkə və digər internet səhifələrində ölkəmizin beynəlxalq səviyyədə tanınmış ərazilərində ictimai təhlükəsizliyi pozmaq, partlayışlar törətmək və belə hərəkətlərin törədiləcəyi hədəsi ilə müşayiət olunan terrorçuluğa açıq çağırışlar etmələri, belə materialları yaymaları müəyyən edilib. Bundan başqa Gürcüstanın Abxaziya ərazisində yaşayan bir qrup şəxsin işğal altında olmuş yaşayış məntəqələrinə gəlmələri, Azərbaycanın dinc vətəndaşlarına və antiterror əməliyyatlarını həyata keçirən silahlı qüvvələrinə qarşı muzdlu kimi istifadə edilmələri məlub olub. Faktlarla bağlı Cinayət Məcəlləsinin terrorçuluğa açıq çağırışlar maddəsi ilə cinayət işi başlanılıb. İntensiv istintaq-əməliyyat tədbirləri davam etdirilir.

Nərgiz Camal