2020-10-21 13:06

Baş Prokurorluq tərəfindən aparılan araşdırmalarla son günlərdə müxtəlif terror təşkilatları üzvlərinin, o cümlədən xarici ölkə vətəndaşlarının müəyyən edilmiş sənədlər olmadan Ermənistan ərazisindən qanunsuz keçərək Azərbaycanın işğal olunmuş ərazilərinə gəlib qanunsuz silahlı birləşmələr yaratmaları,eləcə də ərazilərimizin işğalına yönələn təcavüzkar müharibədə muzdlu kimi istifadə edilmələri müəyyən edilib. Əcnəbilərin Azərbaycanın ərazisinə hansı qaydada gəlmələri ilə bağlı müxtəlif dillərdə video çarxlar hazırlanıb. Xarici vətəndaşlardan Azərbaycanın silahlı qüvvələrinə qarşı, eləcə də Azərbaycan ərazilərinin işğalına yönələn təcavüzkar müharibədə muzdlu kimi iştirak etməmələri tələb olunur.

Nərgiz Camal