Baş prokuror Kamran Əliyev ölkədə səfərdə olan İtkin düşmüş şəxslər üzrə Beynəlxalq Komissiyanın Baş direktoru Katrin Bombergerin rəhbərlik etdiyi nümayəndə heyəti ilə görüşüb.Görüşdə 2023-cü ildən Baş Prokurorluqla Komissiya arasında formalaşan əməkdaşlıq əlaqələri, itkin düşmüş şəxslərlə bağlı məlumat mübadiləsinin əhəmiyyəti və bu sahədə görülən işlər müzakirə olunub.İşğal dövründə işgəncələrə məruz qalaraq öldürülən və kütləvi məzarlıqlarda basdırılan şəxslərin qalıqlarının aşkarlanması, eləcə də onların şəxsiyyətinin müəyyənləşdirilməsi istiqamətində görülən tədbirlər barədə məlumat verilib. Katrin Bomberger isə Azərbaycanda itkin düşmüş şəxslərlə bağlı məlumatların toplanması və mübadiləsinin yüksək səviyyədə təşkil olunduğunu vurğulayıb, əməkdaşlıqdan məmnunluğunu ifadə edib.Tərəflər yeni Məlumat İdarəetmə Sistemini müzakirə edib, qarşılıqlı təlim səfərləri və təcrübə mübadiləsinin təşkili barədə razılığa gəliblər.

29 iyun 2026