2021-04-13 14:05

Bərdə polisi rayon ərazisindəki 2 fərdi yaşayış evində yas mərasimlərinin keçirildiyini aşkar edib. Sanitar-gigiyena və karantin qaydalarını pozan mərasim iştirakçıları ilə izahedici söhbətlər aparılıb, 12 nəfər barəsində qanunamüvafiq tədbir görülüb. Şəxsi evində ad günü yığıncağı təşkil edən Bərdə sakini Tahir Məmmədov və daha iki nəfər də qanunvericiliyə uyğun olaraq məsuliyyətə cəlb edilib. Rayon Polis Şöbəsinin əməkdaşları həmçinin koronavirus testinin nəticəsi pozitiv çıxmasına baxmayaraq evini tərk edən rayonun Uğurbəyli kənd sakini Rəhman Hüseynovu saxlayaraq yaşadığı ünvana qaytarıblar.

Nərgiz Camal