2020-10-25 10:07

"Allah şəhidlərimizə rəhmət eləsin. Bu medalı onlara həsr edirəm. Qazandığım mükafatı əsgər və zabit qardaşlarımıza göndərəcəm". Bunu Macarıstanın paytaxtı Budapeşt şəhərində cüdo üzrə "Böyük Dəbilqə" turnirində qızıl medal qazanan idmançımız Rüstəm Orucov deyib. Cüdoçu nüfuzlu yarışda Monqolustan, Bolqarıstan, Rusiya, İsveç təmsilçilərinə qalib gələrək finala çıxıb. Orucov qızıl medal uğrunda qarşılaşmada İsveçrə nümayəndəsi Nils Stampı da məğlub edərək əsgər salamı verib.

Fərid Mehdiyev