Bu gün Azərbaycanda Milli Qurtuluş Günü qeyd olunur. Bu, Azərbaycan torpaqları əsarətdən qurtulduqdan sonra qeyd olunan dördüncü Milli Qurtuluş Günüdür. Məhz 31 il əvvəl hakimiyyətə qayıdaraq Azərbaycan xalqını, dövlətini və millətini parçalanmadan xilas edən Ulu Öndər Heydər Əliyevin hazırda Silahlı Qüvvələrin Ali Baş Komandanı, Prezident İlham Əliyev tərəfindən davam etdirilən siyasəti nəticəsində Azərbaycanın ərazi bütövlüyü bərpa olunub. 1997-ci ildə Milli Məclisin deputatları 15 iyun tarixinin təqvimə Azərbaycanın Milli Qurtuluş Günü kimi salınması təklifi ilə çıxış ediblər və parlament bu təklifi bəyənib.

Vüsalə Cənnətova